Como temos por costume, esta tarde comezamos o programa co habitual espazo colaborativo: A Noticia do Día.
A primeira entrevista foi conducida por Adrián Piqueras, integrante da masa coral Modelo Burela, que conversou co seu avó: José Valle, mais coñecido como Pepe do Caxoto. Pepe do Caxoto é un armador histórico de Burela que conversa co seu neto para contar a experiencia de toda unha vida ligada ao mar.
Inmediatamente a seguir falamos con Alexandra Cabana, profesora de historia e actualmente asesora de Bibliotecas Escolares da provincia de Lugo. Con ela conversamos sobre a súa faceta académica e profesional, que está fortemente vinculada á figura de seu pai: Darío Xohán Cabana, académico da lingua e escritor.
Na última entrevista conversamos con Carla Paz e Mateo Docal. Dous alumnos de 1º de Bacharelato, que despois do seu primeiro ano de estudar portugués acaban de certificar o nivel B1 na EOI de Lugo. Estes dous alumnos acaban de chegar da excursión a Portugal. Con eles falamos sobre os seus estudos de portugués e da viaxe polo país veciño.
Sem comentários:
Enviar um comentário