Proxecto Neo 461.14 - Alfredo LLano; Oferta Educativa IES Perdouro 25-26

 

Como temos por costume, esta tarde comezamos o programa co habitual espazo colaborativo dirixido pola profesora Sonia Rei: A Noticia do Día. 

Na primeira entrevista conversamos con Alfredo Llano, compañeiro do Dpto de Electrónica e ex-alcalde de Burela. O motivo desta conversa con Alfredo Llano é a súa xubilación. Este foi o seu último ano lectivo como docente e como despedida facemos un repaso da súa traxectoria pola docencia e pola vida. 

Para finalizar o programa entrevistamos a 4 docentes da nosa escola para coñecermos a oferta de ciclos formativos no IES Perdouro. Javier Mogo conversa con María García Jartín, profesora do departamento de Administración, Ismael Castinheira, profesor en Eletrónica, Javier Rouco, profesor de Imagem Persoal e Manuel Basanta, docente nos ciclos de Mecanizado e Mecatrónica. 

 

 

 

Proxecto Neo 460.14 - Pepe do Caxoto; Alexandra Cabana; Carla Paz e Mateo Docal

Como temos por costume, esta tarde comezamos o programa co habitual espazo colaborativo: A Noticia do Día.

A primeira entrevista foi conducida por Adrián Piqueras, integrante da masa coral Modelo Burela, que conversou co seu avó: José Valle, mais coñecido como Pepe do Caxoto. Pepe do Caxoto é un armador histórico de Burela que conversa co seu neto para contar a experiencia de toda unha vida ligada ao mar.

Inmediatamente a seguir falamos con Alexandra Cabana, profesora de historia e actualmente asesora de Bibliotecas Escolares da provincia de Lugo. Con ela conversamos sobre a súa faceta académica e profesional, que está fortemente vinculada á figura de seu pai: Darío Xohán Cabana, académico da lingua e  escritor.

Na última entrevista conversamos con Carla Paz e Mateo Docal. Dous alumnos de 1º de Bacharelato, que despois do seu primeiro ano de estudar portugués acaban de certificar o nivel B1 na EOI de Lugo. Estes dous alumnos acaban de chegar da excursión a Portugal. Con eles falamos sobre os seus estudos de portugués e da viaxe polo país veciño.

 

Proxecto Neo 459.14 - Plataforma LOITA, Manuel Núñez Singala, Ugia Pedreira e Alumnado de 1º ESO

 

Entraremos nun programa dedicado ás nosas letras e patrimonio cultural. Mais antes falamos con Tamara Campos e María G. Jartín da plataforma LOITA. Con elas conversamos sobre o necesario servizo de Atención Temperá e apoio dado ás familias en canto a dereitos sanitarios dos nenos e nenas, nais e adolescentes na acompañamento sanitario. 

Inmediatamente a seguir falamos con Manuel Núñez Singala, neofalante, que visitou recentemente a nosa biblioteca grazas o programa Lectura Infinita do Ministerio de Cultura e Deportes. O alumnado de 4º ESO PDC reaccionou co dramaturgo en micro aberto após o encontro literario mantido en torno a súa obra teatral Comedia bífida. 

No mes pasado celebramos as nosas letras e por este motivo tivemos connosco a Ugia Pedreira, cantaautora de Vilaronte. Con ela, falamos de tradicións e das expectativas en torno ao obradoiro que ía manter co alumnado de 1º de ESO.

Xa para rematar, Lucía Fernández, profesora de Lingua Galega, partilla co seu alumnado o traballo realizado na materia de Proxecto Competencial sobre as cantareiras, a nosa tradición oral e a confección de pandeiretas con material de refugallo. 

 

 

 

Proxecto Neo 458.14 - Especial Radio Saúde Burela

Entramos nunha nova entrega de Radio Saúde Burela, nesta ocasión dedicado a Actividade física e a Atención temperá

A primeira das entrevistas é con Rosa Fraga, pedagoga especializada en Atención Temperá. Con ela conversamos sobre os servizos ofrecidos pola unidade de atención temperá co obxectivo de dar apoio ao desenvolvemento infantil e á inclusión sociofamiliar. 

Inmediatamente a seguir falamos con Iván Cao Valle, coñecido como Lucas. El é o técnico de deportes no concello de Burela. Con Lucas conversamos para sabermos mais sobre as actividades deportivas ofrecidas polo concello de Burela. 

Na parte final toma a palabra Catalina Caamaño, coordinadora da Estratexia de Promoción da Saúde do Concello de Burela para facer balance das actividades levadas a cabo durante todo o ano.

Proxecto Neo 457.14 - Especial Expomar

Traemos un programa dedicado a Expomar, a feira de referencia no setor pesqueiro celebrada do 7 ao 10 de maio en Burela.

Comezamos o programa na feira Expomar. De aí chéganos un audio da profesora María G. Jartín onde conversa con Angélica Fortes, responsable da feira de actividades económicas ligadas ao mar en Cabo Verde.

Na seguinte entrevista Ruth e Ana, alumnas do Ciclo Superior de Administración e Finanzas conversan con Brais, xerente de Expomar. 

Na terceira entrevista o alumnado de 4º ESO PDC entrevista a Miguel Neira Pérez, xerente de ABSA, a empresa que xestiona a lonxa de Burela. 

O cuarto convidado foi Sergio López García, xerente da Organización de Produtores Pesqueiros do porto de Burela. Con el falou o alumnado de 3º ESO PDC.

Proxecto Neo 456.14 - Lupe Blanco, Galefusión e Manuel Rivero

Na primeira entrevista da tarde conversamos con Lupe Blanco. Regueifeira de Coristanco que practica a arte da improvisación oral. 

Inmediatamente despois falamos no estudio de Galefusión con Andrea Maseda e Asier Oroza, dous compañeiros do IES Monte Castelo de Burela: un proxecto de dinamización linguística. 

Xa na última parte do programa recibimos novamente a Manuel Rivero para falarmos do seu novo libro sobre Lola Arribe, unha docente, política e escritora galega reintegracionista.

Proxecto Neo 455.14 - Programa Especial Mar con Balbino Trelles, Santiago Rivera Lestegás e Antonio Abad López

Traemos un programa dedicado ao mar e aos mariñeiros. Un tema moi vinculado a Burela. 

Na primeira entrevista o alumnado de 4º ESO PDC conversa con Balbino Trelles. Con este mariñeiro xubilado falamos sobre como era a vida nun barco e a importancia de coñecer ben o mar e as rochas. 

Na segunda entrevista o alumnado de 3º ESO PDC foron ata a Moncloa de Burela para entrevistarse con Santiago Rivera Lestegás e Antonio Abad López para falar das súas experiencias e aprendizaxes a volta do mar.

Proxecto Neo 454.14 - Programa Especial Saúde

 

Temos unha nova entrega de Radio Saúde Burela, nesta ocasión dedicado á Saúde Mental e Emocional. 

Como temos por costume, comezamos o programa cos espazos colaborativos: A Noticia do Día e a Pílula das ciencias. Tamén contamos co podcast de "Aulas sen fume" do alumnado de 1º de ESO A.

Con Cristina Lastra, psicóloga especialista en psicoloxía clínica na Unidade de Saúde Mental de Burela, conversamos sobre como a psicoloxía clínica pode axudar a mellorar e recuperar a saúde emocional. 

A segunda entrevistada é Yolanda Fernández, profesora de ciclos formativos no IES Perdouro, coa que falamos de educación emocional dentro dos centros de ensino como ferramenta para lograr o bem-estar emocional do alumnado.  

Artigo de Praza.gal de interese : Estamos educando para vivir ou para resistir? A importancia da saúde mental na escola

Proxecto Neo 453.14 - Especial día do libro - Raquel Miragaia

Neste programa especial Día do Libro, tivemos varias suxestións e recomendacións literarias. Falamos dos clubes de lectura con Ana Orol. 

Na parte central do programa conversarmos con Raquel Miragaia sobre a reedición do seu primeiro romance: "Diário Comboio". 

Xa parte final contamos, tivemos unha nova sección "Un libro en 10 minutos", un podcast realizado polo alumnado de literatura universal de 1º de Bach B.

Proxecto Neo 452.14 - David Rial Bello e Blas Valleres

 

No pasado día 6 de abril celebrábamos o Día do Deporte e por iso hoxe falamos con David Rial Bello, adestrador do Burela FS. 

A seguir viaxamos ate Valencia para conversarmos con Blas Valleres, profesor de Historia do IES Berenguer Dalmau de Catarroja. Con el falamos da situación en que se encontran despois da Dina. 

Proxecto Neo 451.14 - Intercambio a Francia, FP Innova, Semana do Ben Estar

Nesta ocasión viaxamos até Francia para conversarmos con Sara Villarquide e Hugo Fernández, dous integrantes da masa coral Modelo Burela e a súa profesora Karina Parga. Con eles conversamos sobre o intercambio que realizaron nas semanas pasadas co Collège Le Landry en Rennes, na Bretaña. Con eles tamén viaxamos até París para que nos conten que visitaron e que foi o que máis lles gustou. 

A seguir conversamos co alumnado do ciclo básico de Servizos Administrativos e a súa profesora Ana Patricia Anaya para sabermos máis sobre a participación do Perdouro en FP Innova, feira de mostra de formación profesional. 

Xa na parte final do programa conversamos con Yolanda Fernández e Javier Rouco, profesores no IES Perdouro, sobre as actividades realizadas durante a semana do benestar levada a cabo neste centro.

Proxecto Neo 450.14 - Programa Especial Saúde

 

Temos unha nova entrega de Rádio Saúde Burela, nesta ocasión dedicado ao Plano de Obesidade. A primeira das entrevistas é con Alicia Rama García, traballadora social e Cristina Varela Penas, terapeuta ocupacional. Ambas, traballan na Rede Galega de Promoción de Saúde (REGAPS) sendo as Responsables da Área Sanitaria de Lugo, A Mariña e Monforte de Lemos. Con Alicia Rama e Cristina Varela conversamos sobre unha das grandes pandemias do século XXI: a Obesidade. Inmediatamente a seguir falamos con Catalina Caamaño Isorna, farmaceutica do Centro de Saúde de Burela. Con Catalina Caamaño conversamos para sabermos mais sobre o papel dos medicamentos no tratamento da obesidade.

Proxecto Neo 449.14 - Xulio Vizcaya e Ester Veiga (Mel do Trevo)

Os espazos colaborativos (A Noticia do Dia e Pilula das ciencias) abriron o programa 449 de Proxecto Neo.

Inmediatamente a seguir viaxamos ate Viana do Bolo para conversarmos con Xulio Vizcaya e Ester Veiga, responsábeis de Mel do Trevo.

Na primeira parte da entrevista conversamos co Xulio e a Ester sobre as súas orixes e o seu percurso vital e laboral. Na segunda parte abordamos como xurdiu o seu proxecto como apicultores. Falamos sobre os trámites necesarios para arrancar e de como evoluiu o proxecto.

Xulio Vizcaya mostra o mel envasado e preparado para a venda á autora da entrevista, Manuela Pintor Vila-Verde

MEL DO TREVO: producido nas terras de Viana do Bolo, é mel galego etiquetado en galego

Proxecto Neo 448.14 : Cristina Palacios Castro, Intercambio Xinzo de Limia, Viaxe ao Parlamento Europeo

Como temos por costume, esta tarde comezamos o programa cos espazos colaborativos: A Noticia do Día e unha Pilula das ciencias. 

A primeira das entrevistas foi con Cristina Palacios Castro, traballadora social e docente, foi unha das fundadoras da Asociación Arelas. Con ela falamos de Arelas, asociación de familias de menores e mocidade Trans de Galicia que naceu en xullo de 2015 para loitar polos dereitos e dar a coñecer a realidade das crianzas e mocidade trans, nunha comunidade autónoma onde esta realidade permanecía agochada e invisibilizada. 

Inmediatamente a seguir falamos da primeira etapa do intercambio de lingua galega do IES Perdouro. O alumnado de 2º de ESO viaxou ata Xinzo de Limia para coñecer os seus homólogos do IES Cidade de Antioquía. 

Xa na parte final do programa viaxamos ata o Parlamento europeu da man da Érica e da Nádia, dúas integrantes da massa coral Modelo Burela. Con elas conversaremos sobre a intervención dos seus compañeiros do IES Monte Castelo que participaron nese espazo de representatividade da UE dentro do programa Euroescola.

Proxecto Neo 447.14 - Programa especial Saúde

Nova entrega do programa especial de Radio Saúde Burela, desta vez dedicado ás Relacións Saudábeis.

Mais antes de empezar coa sección das entrevistas, comezamos coma sempre o programa con tres espazos colaborativos: A Noticia do Día, un Entroido libre de plásticos e a Pílula das ciencias. 

A primeira das entrevistas foi con Cristina Cayón Pardo, a psicóloga do CIM de Burela, coa que conversamos sobre a importancia de detectar os sinais dunha relación tóxica. 

Inmediatamente a seguir falamos con Ana Fernández, matrona do centro de saúde de Burela e Ribadeo. Con ela conversamos para sabermos mais sobre saúde sexual. Aprenderemos cales son as chaves para termos unha relación saudábel, respectuosa e segura co noso corpo.

Proxecto Neo 446.14: Antonio Reigosa, Mónica Pazos, Fernando Losada

Como temos por costume, comezamos o programa co espazo colaborativo A Noticia do Día. Inmediatamente a seguir atendeunos ao teléfono Antonio Reigosa para falarmos dos 20 anos do Portal Galicia Encantada. 

Tamén falamos con Mónica Pazos, docente de Lingua e Literatura no Instituto Monte Castelo, en Burela. Con ela falamos sobre a convocatoria de Queremos Galego prevista para o próximo domingo día 23 de febreiro. 

Xa na parte final do programa conversamos co profesor de Bioloxía Fernando Losada con motivo da recente participación do alumnado do Perdouro nas Olimpíadas de Xeoloxía. Finalizamos o programa cunha pequena crónica da experiencia.

   

Proxecto Neo 445.14 - Programa especial Saúde

Entramos nun novo programa especial de Radio Saúde Burela, desta vez dedicado aos tres eixos básicos para termos unha boa saúde: o exercicio físico, a alimentación e o sono.

A primeira das entrevistas foi co médico Juan José Eiroa Bermudez, actualmente residente de terceiro ano de Medicina Familiar e Comunitaria no Hospital de Burela. Con Juan José Eiroa conversamos sobre a importancia da actividade física para a nosa saúde.

Inmediatamente a seguir falamos con Daniel Esteban Mejia, cirurxán residente de primeiro ano en Medicina Familiar e Comunitaria na área sanitaria da Mariña. Con Daniel Esteban abordamos a importancia dunha boa alimentación para estarmos saudables.

Xa na parte final do programa acompañounos no estudio Arantxa Miguel,  médica do centro de saúde de Burela. Con Arantxa Miguel analizamos importancia do sono para o noso ben-estar físico e mental.

Proxecto Neo 444.14: Sara Freijedo, Luis Ramilo e Marta Castro

Abrimos o programa cos espazos colaborativos A Noticia do Día, Horrorgrafía e Crónica dunha viaxe. Esta vez por Lugo e a súa arte urbana da man de Guido Álvarez Parga. 

Entrevistamos a Sara Freijedo dende Ourense. Unha nena de 9 anos que partilla as súas afeccións. 

Despois de falarmos con esta aluna neofalante, conversaremos con Luis Ramilo sobre a reinterpretación da canción "Fábula dos coellos" de Ismael Serrano. Falou deste proxecto colaborativo levado a cabo polo Centro de Educación Especial Saladino Cortizo de Vigo, o IES Terra do Xallas de Santa Comba (A Coruña) e o IES Perdouro de Burela. 

Xa na parte final do programa conversamos con Marta Castro Alba, profesora de Lingua e Literatura galega que este ano está no IES Perdouro.

 

Proxecto Neo 443.14: Manuel Mella e Tiziana Martínez (IES Marco Camballón); Iria Guerra Pérez; Amauri Cavalcante Pereira

Abrimos o programa co espazo colaborativo A Noticia do Dia. A seguir ouvimos a colaboración que nos enviaba o profesor Fernando Losada sobre o obradoiro de minerais impartido polo xeólogo Fran Canosa, o pasado dia 15 de xaneiro no Perdouro.

Imediatamente depois entramos na primeira entrevista da tarde. Conversamos con Manuel Mella e Tiziana Martínez Vallenilla, alunos do IES Marco do Camballón que están a participar na elaboración de unha antoloxía de cancións inspiradas en poemas.

Despois de falarmos con estes dous alunos neofalantes, viaxamos a Viana do Bolo para falarmos con Iria Guerra Pérez, a neta de Nene. Conversamos con ela sobre a semente que deixou o seu avó.

Xa na parte final do programa, o protagonista foi Amauri Cavalcante Pereira, alumno de 1º do Ciclo Medio de Xestión Administrativa. Con Amauri conversamos sobre como foi a súa chegada do Brasil á Mariña con só 11 anos. Falamos tamén de como foi a sua recente viaxe ao Brasil depois de estar tanto tempo fóra.

Proxecto Neo 442.14: Paco Rivas; Xosé Constenla; Lucía Fernández.

Como temos por costume, esta tarde comezamos o programa co espazo colaborativo A Noticia do Dia. A seguir conversamos con Paco Rivas, filólogo e escritor, orixinario de Cervo; e residente en Nois. O tema central: o seu último libro de haikus, poemas breves de orixe xaponesa.

Despois de falarmos con Paco Rivas, viaxamos á montaña do Vicedo, No lugar do Xestoso, coñecemos o famoso teatro e tamén un artista convidado.

O Teatro das Cortes consolidouse en 2024 como centro de interese cultural. Alí estivo o cantautor Xosé Constenla, con quen falou Bernardo Penabade, nunha entrevista improvisada.

A protagonista do terceiro dos contidos foi Lucía Fernández, profesora de Lingua e Literatura Galega no Perdouro. Conversamos con ela e os seus alunos Uxía Cabarcos, Jorge Melo e Daniel Vázquez Longarela sobre un proxecto moi especial que está levando a cabo o alumnado de 1º de ESO.

Lucía Fernández (a profesora) e estes estudantes explicáronnos este proxecto centrado nas cantareiras homenaxeadas con motivo do Día das Letras Galegas 2025. Falamos tamén de como está a ser o proceso de creación dunha pandeireta con material de refugallo coa colaboración do profesorado e alumnado do Ciclo de Mecanizado. Na parte final da entrevista abordamos cal é a meta deste proxecto tan ambicioso, que no mes de maio acabará coa interpretación dunhas coplas.

Proxecto Neo 441: Viaxe a Cabo Verde con Bernardo Penabade

Esta tarde tivemos un programa moi especial dedicado a Cabo Verde. Neste primeiro programa do ano 2025, estivo con nós Bernardo Penabade para falarnos sobre a viaxe que realizou no pasado mes de novembro ao país do Atlántico africano.
Conversamos con el sobre o ámbito do ensino e da cultura, tanto musical como literária, deste país lusófono. Coñecemos a súa impresión sobre o funcionamento das escolas de ensino primário, das escolas de ensino secundário e, aínda, da escola de Hotelaria e Turismo, onde desfrutou dun almorzo e ofreceu unha palestra; e falamos sobre a súa visita á Universidade de Cabo Verde.
Tamén conversamos sobre os encontros co Presidente da República, coas escritoras Vera Duarte e Analina Rocha, co antropólogo João Lopes Filho e co escritor Joaquim Arena; e sobre a visita a Achada Falcão, símbolo da resistencia camponesa e xénese da independencia de Cabo Verde.