Como cada semana, comezamos cos nosos espazos colaborativos: A Noticia do Día, A Palabra do mes e O Corpo fala.
Inmediatamente despois entramos nunha nova entrega de Radio Saúde Burela, nesta ocasión dedicado fundamentalmente á saúde pública e ás vacinas.
Na primeira parte do programa conversamos por vía telefónica con Mónica Martínez Rouco, farmacéutica inspectora de Saúde Pública en Lugo. Con ela falamos de temas moi variados: das inspeccións de saúde que se realizan en distintos establecementos, da potabilidade da auga e da vixilancia sanitaria en canto aos cosméticos, ás tatuaxes etc.
Na segunda parte do programa tivemos no estudio a María Teresa Roldán Darriba, coordinadora de enfermería do Centro de Saúde de Burela. Con ela conversamos fundamentalmente sobre as vacinas, as Infeccións de Transmisión Sexual, etc.
Sem comentários:
Enviar um comentário