Abrimos o programa coa segunda parte da entrevista a Manuel Gago, realizada no Consello da Cultura Galega o mes pasado para celebrar que Proxecto Neo alcanzaba os 500 programas.
Na segunda parte do programa falamos con Beatriz Pérez Mosquera, técnica de son do Consello da Cultura Galega e cantautora. Comezou nesta institución hai trinta anos, formando parte do Arquivo Sonoro de Galicia, onde dixitalizou os documentos sonoros máis relevantes da nosa cultura. Tamén é responsable da gravación e da cobertura técnica dos eventos que teñen lugar no Consello da Cultura. Con ela, falamos da súa traxectoria profesional e da faceta de cantautora de Bea, a de Estrella. Este é o nome artístico dunha cantadora e contadora de historias,que é como ela mesma se describe.
Sem comentários:
Enviar um comentário