Nace Proxecto Neo

Proxecto Neo é o resultado da colaboración entre Radio Burela e a área de Innovación Educativa do Instituto Perdouro.
Estamos en antena todos os mércores entre as 5 e as 6 da tarde. Pode acompañarnos desde calquera lugar do mundo en
Radio Burela
O programa Proxecto Neo ten como protagonistas os neofalantes, as fillas e os fillos adoptivos da nosa terra, especialmente de Burela.

18/05/16

Proxecto Neo, 162.- Do Reino Maravilhoso ao encontro literario-musical Regueibertso



O programa 162 comeza falando de fotografía. Marco Pereira continuou a promover os vínculos culturais galego-portugueses. Primeiro escoitou atentamente a descrición da imaxe, unha descrición feita polo escritor Séchu Sende. Despois, fixo comparación coas palabras de Anabela Quelhas e tivo claro que se falaba dunhas caixas de correo apoiadas por un lado nun espigueiro tradicional e por outro nunha barra metálica.
Desde o Vale de Arratia, en Euskal Herría, a pedagoga Lur Olabarri Etxebarría fíxonos partícipes da xénese do Encontro poético-musical Regueibertso e avaliou os resultados das experiencias de intercambio educativo celebradas tanto na nosa terra como no País Vasco durante o mes de maio de 2016.
Xusto despois da introdución realizada pola docente vasca, chegou o momento dos destinatarios desta intervención educativa. Na primeira entrevista falamos con Julieta Itatí Penas, que nos comentou a súa experiencia como neofalante en Vila de Cruces, a onde chegou procedente da cidade de Buenos Aires. Pola súa parte, desde Baio recibimos as palabras de Manuel Queiro, alumno de bacharelato no Instituto Maximino Romero de Lema, que nos presentou a banda musical Vintenbaio.
Sara Marchena, estudante de Filoloxía na Universidade de Santiago de Compostela, explicounos a súa experiencia de se ter feito neofalante en Vigo, mentres era alumna no Instituto Santo Tomé de Freixeiro. Con ela tamén falamos de regueifas, de viaxes e mesmo da música da cantautora Alba María.
Nos minutos finais, a conversa focalizouse entre Burela e Bilbao, desde onde nos atendeu o escritor Xabier Monasterio para nos presentar a factoría cultural que xira arredor do Café Antzokia. Con el falamos de radio, dunha editora de libros, dunha escola a quen dá nome Gabriel Aresti; e -obviamente- tamén do café e da sala de espectáculos.

A SOLUCIÓN AO ENIGMA


Segundo información recollida da wikipedia, as caixas de correo están na freguesía de Lamas de Olo, no Concelho de Vila Real.

3 comentários:

  1. Boa tarde
    Agradeço a descrição rigorosa de Séchu Sende.
    Bernardo e Marco o reino por aqui está cada vez mais maravilhoso com a chegada de uma primavera um pouco tímida e tardia. Um abraço transmontano para todos os ouvintes de Rádio Burela.

    ResponderEliminar
  2. Muito obrigado, Anabela! Nós também estamos muito contentes por esta colaboração do escritor e pedagogo Séchu Sende.
    Uma vez finalizado o curso académico, talvez nos deixemos seduzir pelo amigo Marco para andarmos os caminhos do reino maravilhoso.

    ResponderEliminar
  3. Muito obrigado, Anabela! Nós também estamos muito contentes por esta colaboração do escritor e pedagogo Séchu Sende.
    Uma vez finalizado o curso académico, talvez nos deixemos seduzir pelo amigo Marco para andarmos os caminhos do reino maravilhoso.

    ResponderEliminar